आधुनिक गीतः बिन्दास! बिन्दास! बिन्दास!

 

 

म बिग्रेको तिमीलाई के थाहा ?

म कसैको साथ पाएर बिग्रेँ

म कसैको हात समाएर बिग्रेँ

अरु त अरु,

म कसैको लात खाएर पनि बिग्रेँ

बिग्रदा बिग्रदा यति बिग्रेँकि

म अब सप्रनै नसक्ने गरी बिग्रेँ

देख्ने जान्नेले भन्न पाउने गरी

जन्म जात बिग्रेकै जस्तो गरी बिग्रेँ

अर्थात म सप्रनै नसक्ने गरी बिग्रेँ

किन बिग्रेँ,

म फेरि भन्छु

तिम्रो साथ पाएर बिग्रेँ

तिम्रो हात समाएर बिग्रेँ

तिम्रो मात खाएर बिग्रेँ

अन्ततः तिम्रो घात खाएर बिग्रेँ

अब भन म सप्रु कसरी ?

सप्रने त मन छ

तर तिमी नसप्रियसम्म

म सप्रदै सप्रदैन

तिमी नफक्रियसम्म

म फक्रदै पक्रदैन

सम्झ,

सप्रने एउटै ओखति छ

तिम्रो हात सप्रनु पर्छ

तिम्रो साथ सप्रनु पर्छ

तिम्रो मात सप्रनु पर्छ

तिमी भित्रको खतरनाक

त्यो अमन बानी सप्रनु पर्छ

म भित्रको रोषको पानी सर्पनुपर्छ

अर्थात

तिमी म दुबै सप्रनु पर्छ

तिमी म दुबै फक्रनु पर्छ

अनि त, चिन्तै सखाप !!

बिन्दास! बिन्दास!! बिन्दास!!!

२०७७।१०।७                                          राजबिराज