प्रेमिल गीत सबथोक दिन्छु

 

म ह्दयदेखिको माया दिन्छु,

म मनभरीको सदभाव दिन्छु

मलाई थाह छैन, तिमी के दिन्छयौ ?

तिमी जे जे दिन्छयौ, दुइहात थापेर लिन्छु,

अञ्जुलीभरी राखेर लिन्छुऽ

मुटुभरी राखेर साँच्ने गरी लिन्छु

अजम्बरी बनेर बाँच्ने गरी लिन्छु ।१।

म ओठँको हाँसो मात्र होइन,

मीठो मुस्कान दिन्छु

म केवल नजरको हेराइ होइन,

प्रेमिल नजरले हेरी दिन्छू

मलाई थाह छैन,........                 ।२।

म दुइ हात मात्र होइन,

 न्यानो अँगालो दिन्छु

म जीवनको गोरेटोमात्र होइन,

तिमीलाई जीवनको राजमार्ग दिन्छु

मलाई थाहा छैन………………                               ।३।

म जात, भात वा प्रेमिल मात मात्र होइन,

हर कठीनाइमा तिमीलाई साथ दिन्छु,

तिमी चाहन्छौ भने कुनै एक/आध थोक होइन

जीवन र जगतमा हुने सवथोक दिन्छु

जीवन र जगतमा हुने सवथोक दिन्छु

मलाई थाहा छैन, …………………………………।४।

२०७६ असौज ७ , प्यूठान      वीरगन्ज माइस्थान टोल            adrdhanbot@gmail.com