(आधुनिक गीत) मलाई धेरै माया गर्ने

 मलाई धेरै माया गर्ने,          मान्छे थियो कोही एउटा

त्यही माया नी चुँडी लग्यो,          निर्दयी नै रैछ देउता । १।

 

सम्झनामा त्यही मायाको,            रोपेकी थेँ एक फूल

बनिदियो आज हेर,                 सम्मानको अर्को मुल ।२।

 

दिनरात सम्झि रहन्छु,           एक्लै बसी बसी

नसुक्ने भो कोर्दा पनि,           कलमको यो मसी । ३।

 

अरुसँग बसी साट्न,               खोजेको त्यो दुःख

बनिदियो आज हेर,                 सबको साझा सुख्ख । ४।

 

सब जनाले बुझिदिनु ,                प्रियतमको मर्म

निभाई हिड्नु जीवनमा,                 मावनताको धर्म । ५।

 

मलाई धेरै माया गर्ने,         मान्छे थियो कोही एउटा

त्यही माया नी चुँडी लग्यो,     निर्दयी नै रैछ देउता । ६।

(स्व. राजन प्राशर सम्झनामा/ ''डागर स्मृति पुरस्कार २०७१'' कार्यक्रममा-----पुरस्कार सस्थापिका---रमा प्राशरको भावनालाई छुने प्रयास स्वरुप गरिएको शब्द सिर्जना २०७१।०५।१४ )