मर्नु पर्दैन र ?

 भ्रष्ट किन बन्छौ तिमी,

दमनकारी किन ?

ब्यभिचारी किन बन्छौ,

अत्याचारी किन ??                                                     तिम्रो ह्दय छैन र ? तिमीलाई मर्नु पर्दैन र ?

कति दामले पुग्छ तिम्लाई,

सुनाम कि दुर्नामले,

कति आफ्नै मान्छे राख्छौ,

कानून तोड्ने कामले ?                               तिम्रो ह्दय छैन र ? तिमीलाई मर्नु पर्दैन र ?

सत्ता शक्ति पद पैसा,

सधै भरि अहम र ऐयसा

समीक्षा समालोचना सुन्नै सक्दैनौ

अरुलाई गाली गरी थाक्दैनौ ।३।             तिम्रो ह्दय छैन र ? तिमीलाई मर्नु पर्दैन र ?

यही देशमा जन्म्यो हुर्क्यौ

यही देशमा तिमी बढ्यौ

जति जे जे पढेपनि

यही देशमा पढ्यौ

बिनासित्ति किन तिमी

धेरै सित भिड्यौ लडयौ ।४।                   तिम्रो ह्दय छैन र ? तिमीलाई मर्नु पर्दैन र ?

श्रमशक्ति बिदेशिए

बाझा जमिन बढ्दै गए

आत्मनिर्भर स्वाभिमान

शब्द खेती बन्दै गए ।५।          तिम्रो ह्दय छैन र ? तिमीलाई मर्नु पर्दैन र ?

उध्योग धन्दा धेरै बन्द

आर्थिक शक्ति झनै मन्द

पैसा जति झन बिदेशिदै

कालधन्दा झन आकाशिदै ।६।       तिम्रो ह्दय छैन र ? तिमीलाई मर्नु पर्दैन र ?

सरकारी काम ढिला सुस्ति

न्याय इन्साफ बिक्री मस्ति

दीनदहाडै गोली वर्षा

घरको छतमा चढी चढी । ७।          तिम्रो ह्दय छैन र ? तिमीलाई मर्नु पर्दैन र ?

एउटा सत्य अर्को बोली

नाँगै पारे सत्य खोली

हैन हैन भन्दै अझै

यस्तै गर्छौ क्या हो भोलि ।८।                 तिम्रो ह्दय छैन र ? तिमीलाई मर्नु पर्दैन र ?

कन्काइ घाट आर्यघाट

रिडी घाट नारयाणघाट

एकदिन जल्ने कुनै घाट

सत्यवोधको छैन छाँट।९।                तिम्रो ह्दय छैन र ? तिमीलाई मर्नु पर्दैन र ?

 झण्डा डण्डा रकम तिम्रै

उर्दि वर्दी सलाम तिम्रै

न्यायपनि निर्देशित गर्दै

कति गर्छौ ज्यूदै मर्दै ।१०।                   तिम्रो ह्दय छैन र ? तिमीलाई मर्नु पर्दैन र ?

जति जे जे अहम भएनि

एकदिन जाने खाली हातै

साथमा लाने केहि नि हैन र

तिम्लाइ यस्को चेत भइन र ? ।११।       तिम्रो ह्दय छैन र ? तिमीलाई मर्नु पर्दैन र ?

     

२०८२।०१।१                           प्यूठान ऐरावती १ धनवोट।हाल नरेफाँट काठमाण्डौ