कविता अस्वस्थ्य समय

 समय प्रायः

अस्वस्थ रहने

कहिले, बाढी पैरो

कहिले, भूकम्प-हैजा

कोभिड-महामारी,

आदि -इत्यादि

समयको खेल न हो

एकपछि अर्को

अस्वस्थ्यता ! देखाइरहने,

यतिवेला समयको अस्वस्थ्यताले

राष्ट्रपति रामचन्द्र बिरामी छन

हस्याङ्गफस्याङ्गे जीवनशैलीमा

नानीदेखिको बानी लिएर

ल्याङ्गफ्याङे लवाइसंगै

फुङ्ग उडेको अनुहारमा

प्रधानमन्त्री सुशिला कार्की देखिइरहेकी छिन

पूर्व प्रधानमन्त्री के पी ओली बिरामी छन

शेरबहादुर, न शेर, न बहादुर देखिन नसकेर

बाहिर निस्कनै नसक्ने गरी थलिएका छन

प्रचण्ड सहितका धेरै नेताहरुका

नौ नारीहरु गलिएका छन

ति सबै निको हुने ओषति खोजिदैछ

स्वदेशभित्र र प्रदेशतिर पनि !

ओखती खोज्न

डाक्टर-वैधहरु दरबार पस्न लागेका छन

हिजो दरबारमा आगो लगाउनेहरु

झिँजा बटुलेर

दरबारको आगोलाई पुतपुत्याउने

कोसिसमा भित्रभित्र जागेका छन

उता कर्लप्पै नेपालको ज्यानलिन

यत्रतत्र हिडिरहेका छन

परदेशी डाइनोसरहरु

सिँहदरवारको १ न गेट हुदै

बालुवाटारको ३ न गेट हुदै

रातबिरात छिरिरहेका छन,

हिजो आजको समय

डाइनोसरहरुको रजगज

भययुक्त समय बनेको छ ।

२०८२ आश्विन २५                                ऐरावती १ धनवोट, प्यूठान